Hoggaamiyaha isbeheysiga mucaaradka ee Azimio La Umoja-One Kenya Raila Odinga ayaa ku boorriyay xidhibaanada ka tirsan isbeheysigan inay u codeeyaan “maya” hindisaha maaliyadda ee sanadkan 2023-ka.
Raila oo maanta ka hadlayay shir jaraa’id uu isbeheysiga mucaaradka ku qabtay magaalada Nairobi ayuu sheegay in hindisaha Finance Bill 2023 uu culeys dheeraad ah ku noqon doona shacabka kenyaanka.
Waxaa uu sheegay in tani aynan kenyaanka xamili karin maadaama ay culeysyo ku hayaan canshuuro badan oo hadda laga qaado.
Madaxa Azimio Raila Odinga ayaa ku hanjabay in haddii hindishan uu baarlamaanka meelmariyo ee guud ahaan dalka ka sameyn doonaan dibadbaxyo waaweyn.
Tani ayaa imaanaysa iyadoo uu qorshuhu yahay in 15-ka bishan wasiirka wasaaradda maaliyadda Prof. Njuguna Ndung’u uu baarlamaanka u bandhigo qorshaha sanad maaliyadeedka 2023/2024-ka.
Waxyaabaha ku xusan hindiise sharciyeedka waxaa ka mid ah in dadka mushaar ahaan u qaata 500, 000 iyo wixii ka badan in laga qaado boqolkiiba 35 oo canshuur ah.
Sidoo kale shaqaalaha iyo xarumaha ay ka shaqeeyaan ayaa bil waliba laga jaraya boqolkiiba 3 si loogu biiriyo barnaamijka guriyeynta ee dowladda.
Waxaa sidoo kale hindisahan ku xusan in canshuurta badeecooyinka iyo adeegyada ee VAT laga dhigo boqolkiiba 16.
No regime has imposed so many high taxes on our people in return for nothing except fantasies and fairy tales. This Bill is economic sabotage.
If Ruto insists on this Bill, this country will go into full recession. This Bill requires and must get fierce resistance. pic.twitter.com/rC9buuJikT
— Raila Odinga (@RailaOdinga) June 8, 2023
We have noted that the regime has ran out of sound bites and explanations for their Finance Bill 2023 proposals and has resorted to threats.
Should Ruto overrun the National Assembly, we will regroup and overrun him in the wider National Assembly of the whole people of Kenya.
— Raila Odinga (@RailaOdinga) June 8, 2023
