Dowladaha Iiraan iyo Belgium ayaa isku afgartay in mid waliba uu xabsiga ka siidaayo maxaabiista dalka kale halkaasi uga xiran.
Waxaa in heshiiskan la gaaro ka shaqeysay dowladda Cummaan(Oman).
Wasaaradda arrimaha dibadda ee Cummaan ayaa laga soo xigtay in maxaabiis laga soo qaaday magaalooyinka Tehran iyo Brussels la geeyay caasimadda dalkaasi ee Muscat si dib loogu celiyo dalalkooda hooyo.
Wasaaradda ma aynan shaacin tirada maxaabiista ay labada dal is dhaafsadeen.
Hasa ahaate Ra’iisul Wasaaraha Belgium Alexander De Croo ayaa sheegay in xabsiga laga siidaayay Olivier Vandecasteele oo ka mid ahaa shaqaalaha gargaarka.
