Dowladda Kenya ayaa waxba kama jiraan ku tilmaantay warbixin ay dhawaan qortay wakaaladda wararka ee Reuters oo ahayd in koox dhalasho ahaan ka soo jeedda dalka Shiinaha ay weerar dhanka intarneetka ah ku qaadeen hannaanka dowladda gaar ahaan madaxtooyada , wasaaradaha iyo waaxyaha hoos tago.
Xoghayaha joogtada ah ee wasaaradda arrimaha gudaha iyo maamulka qaran Dr. Raymond Omollo ayaa warbixinta ku tilmaamay dacaayad waxba kama jiraan ah.
Waxaa uu hoosta ka xarriiqay in arrintan ay tahay mid la maalgeliyay si loo faafiyo.
Tani ayaa imaanaysa maalin un ka dib markii safaaradda dowladda Shiinaha ay ku leedahay magaalada Nairobi ay beenisay in loo dhacay nidaamka dowladda Kenya.