Madaxweynaha dalka William Ruto ayaa shaqaalaha dowladda sida wasiirrada , madaxda waaxyaha iyo hay’adaha dowliga ah uga digay ku lug lahaanshaha falalka musuqmaasuqa ee lagu lunsado kheyraadka dadweynaha.
Warqad uu saxiixay madaxa waaxda adeegga dadweynaha Felix Koskei, ayuu madaxweynaha ku sheegay in mas’uulkii lagu cadeeyo musuqmaasuq si shakhsi ah looga qaadaya tallaabo sharciyeed.
Hoggaamiyaha dalka ayaa xusay in marnaba uunan oggolaan doonin in mas’uuliyiinta ay dhaawacaan sumcadda maamulkiisa.
Waxaa qoraalka ku cad in haddii wasaarad , waax ama shirkad dowladeed ay ku takriifasho dhaqaalaha dowladda in qofka qaybtaasi hoggaamiyo uu qaadaya mas’uuliyadda.
Madaxweynaha oo mas’uuliyiinta dowladda uga digay musuqmaasuqa
