Mudanaha deegaan baarlamaneedka Rarieda ee ismaamulka Siaya Otiende Amollo ayaa sheegay inuunan jirin qof awood u leh inuu mamnuuco dibadbaxyada ay dhigayaan siyaasiyiinta isbeheysiga mucaaradka ee Azimio La Umoja xita madaxweynaha dalka.
Waxaa uu Amollo hoosta ka xarriiqay in farqada 37-aad ee dastuurka wadanka aynan cidna siinayn awoodda noocani ah.
Xildhibaanka oo sidoo kale qareen ah ayaa arrinkan shaaca uga qaaday qoraal uu soo dhigay bartiisa rasmiga ee Twitter-ka .
Tani ayaa timid ka dib markii shalay barasaabka ismaamulka Kisumu Prof. Anyang Nyong’o uu hakiyey in dowlad deegaankaasi lagu qabto dibadbaxyo in kastoo markii dambe uu go’aankaasi ka laabtay.
