Maxkamadda sare ee dalka ayaa dhinac iskaga dhigtay dacwad uu gudbiyey barasaabkii hore ee ismaamulka Nairobi Mike Sonko.
Siyaasigan ayaa doonayey in maxkamaddu ay hor istaagto dibadbaxyada hoggaamiyaasha isbeheysiga mucaaradka ee Azimio La Umoja-One Kenya ay ka wadaan gudaha wadanka.
Mike Sonko ayaa ku doodayey in mudaaharaadyada ay sababeen burbur ganacsi oo baaxad leh.
Hasa ahaate garsoore Hedwig Ongundi ayaa diidday inay ku dhawaaqdo amar lagu hor istaagaya dibadbaxyada .
Sidoo kale waxay meesha ka saartay codsi ahaa inay taliyaha guud ee ciidanka booliiska dalka Japhet Koome ku amarto inuu xiro dibadbaxayaasha.
Xaakinka ayaa sheegtay inaynan amar siin karin sarkaal sare maadaama uu hoggaamiyo waax madax bannaan oo awoodo leh.
Waxay berri maxkamaddu go’aan ka soo saari doontaa codsi kale oo ay gudbiyeen hoggaamiyaasha dhallinyarada ee xisbiga UDA iyo ururka ganacsatada Nairobi oo doonaya in la joojiyo mudaaharaadyada.