Ugu yaraan 19 qof oo isugu jiray qaxooti iyo dad soo galooti ah oo ka tagay waddamada ka hooseeya saxaraha Afrika ayaa ku dhintay doon ku qallibmatay xeebta wadanka Tunisia.
Shakhsiyaadkan ayaa doonayey inay gudbaan badda Mediterranean-ka si ay u gaaraan Talyaaniga.
Wakaaladda wararka ee dalka Talyaaniga ee ANSA ayaa dhanka kale ku warramaysa in ugu yaraan 2,000 oo qof oo magan-galyo doon ah inay 24-kii saacadood ee la soo dhaafay gaareen jasiiradda Lampedusa ee wadankaasi.
