Hoggaamiyaha mucaaradka ee dalka Senegal Ousmane Sonko ayaa sheegay inuu ka badbaaday shirqool la doonayay in naftiisa looga takhaluso.
Siyaasigan ayaa si wayn u dhaliila madaxweynaha wadankaasi Macky Sall.
Sonko ayaa maalmihii la soo dhaafay qaadanayay daryeel caafimaad ka dib markii Khamiistii hore sida la sheegay ay waxyeello gaarsiiyeen ciidamada ammaanka.
Hasa ahaate maamullada amniga ee dalka Senagal ayaan weli ka jawaabin eedeynta uga timid madaxa mucaaradka ee ah inuu jiray iskuday ku aaddan in isaga la dilo.
Wararka ayaa intaasi ku daraya in ugu yaraan 400 oo qof loo xiray rabshado ka dhacay magaalooyin kala duwan oo ku yaalla Senegal ka dib markii madaxa mucaaradka maxkamad la soo taagay.
