Taliyaha guud ee ciidanka booliiska wadanka Japhet Koome ayaa xaqiijiyay warbixinnada ku saabsan in la dhimay ciidamada ilaalinayay madaxweynihii hore ee dalka Uhuru Kenyatta.
Warbaahinta gudaha wadanka ayaa sidoo kale tabisay warar ah in la yareeyay ilaalada wasiirkii hore ee wasaaradda arrimaha gudaha Dr.Fred Matiangi iyo xoghayihii joogtada ee wasaaradaasi Karanja Kibicho.
Mr. Koome ayaa carrabka ku adkeeyay in isbeddelladan ay yihiin kuwo caadi ah oo aan laga lahayn niyad xumo ama dano siyaasadeed.
Waxaa uu ku celceliyay in marka la eego baahida jirta aynan suurtagal ahayn in mas’uul horay xil u hayay iyo mid hadda xafiiska joogo ay ilaaliyaan tiro siman oo ciidamo ah.
