Guddoomiyaha guddiga qaran ee isdhexgalka iyo mideynta shacabka ee NCIC Samuel Kobia ayaa madaxa isbeheysiga mucaaradka ee Azimio la Umoja- One Kenya Raila Odinga ugu baaqay inuu baajiyo isku soo baxyada uu qorsheeyay.
Waxaa uu u soo jeediyay inuu go’aankan qaato isagoo u daneynaya xasiloonida iyo dhaqaalaha qaranka.
Kobia ayaa hoosta ka xarriiqay in guddiga uu walaac ka muujinaya hadal naceyb ku saleysan iyo kicin dadweyne oo lagu faafinaya baraha bulshada.
Siyaasiyiinta ayuu dhanka kale ka codsaday inay aad uga fiirsadaan hadallada ay ka jeediyaan isku soo baxyada iyo goobaha fagaaraha ah si aynan dadweynaha u kala qaybin.
