Madaxweynaha dalka Equatorial Guinea , Teodoro Obiang Nguema ayaa xilka ra’iisul wasaaraha u magacaabay Manuela Roka Botey oo ah haweeneydii ugu horreysay ee jagadan qabato taariikhda wadankaasi.
Waxay horay u soo ahayd wasiir ku xigeenka wasaaradda waxbarashada.
Obiang oo 80 sano jir ah ayaa bishii 11-aad ee sanadkii hore markii 6-aad loo doortay hoggaanka ugu sarreeya ee Equatorial Guinea.
Wadanka Equatorial Guinea waxaa tan iyo sanadkii 1968-dii soo maray keliya labo madaxweyne.
Obiang ayaa bishii Siddeedaad ee sanadkii 1979-kii waxaa uu qaab afgembi ah hoggaanka uga tuuray adeerkiis Francisco Macias Nguema.
