Waxaa la soo dhisay guddi loogu talagalay inuu isku dubarido qabanqaabada aaska wasiirkii hore ee wasaaradda waxbarashada dalka Prof. George Magoha.
Tani ayaa ku soo beegmaysa ka dib markii 28-kii bishan la aasay walaalkii oo horay u geeriyooday Prof. Richard Magoha.
Xoghayihii hore ee waaxda tacliinta aasaasiga ee wasaaradda waxbarashada Dr.Julius Jwan ayaa sheegay in guddigan ay xubno ka yihiin qoyska Magoha , dadkii ay horay u soo wada shaqeeyeen, saaxiibadiisi iyo howlwadeeno caafimaad.
Prof. George Magoha oo 24-kii bishii koowaad ee sanadkan ku geeriyooday isbitaalka Nairobi Hospital ayaa la aasi doonaa 11-ka bishan.
Waxaa uu ifka uga tagay xaaskiisa Dr. Odudu Barbara Magoha iyo wiil lagu magacaabo Michael Magoha.
