Guddoomiyaha xafiiska banneynaya ee guddiga madaxa bannaan ee doorashooyinka iyo xuduudaha wadanka ee IEBC Wafula Chebukati ayaa sheegay inuu ku qanacsan yahay shaqadii ay u qabteen qaranka maadaama uu aaminsan yahay inay inta tabartooda ah dadaaleen.
Arrintan ayuu ka hadlay xilli uu shalay soo bandhigayay warbixinta qiimeynta doorashadii wadanka ka dhacday 9-kii bishii Siddeedaad ee sanadkii hore.
Waxaa uu Chebukati mar kale sheegay in natiijadii madaxtinnimo ee uu ku guulaystay William Ruto ay ahayd mid ka turjumaysay rabitaanka shacabka.
Maadaama ay maanta xafiiska banneynayaan waxaa uu guul u rajeeyay mas’uuliyiinta hoggaamin doono guddiga doorashooyinka ee dalka.
Mar uu ka hadlayay caqabadaha ay soo mareen ayuu Chebukati ku baaqay in sanad maaliyadeed kasta guddiga doorashooyinka xilliga habboon la siiyo dhaqaalaha uu u baahan yahay ee loo qoondeeyay.
Waxaa uu sidoo kale caqabad ku sheegay cabsi gelin, magacdhow iyo afduubka shaqaalaha guddiga.
"Should there be need for legislative & policy changes, it should be done in good time to avert risk of having to change law in an election period. Having a settled legal & policy framework well before an election is critical to ensuring level playing field" – Hon Justin Muturi pic.twitter.com/Kozy9AIUA7
— IEBC (@IEBCKenya) January 16, 2023
