Madaxweyne ku xigeenka dalka Rigathi Gachagua oo kulan la qaatay safiirka Ingiriiska ee Kenya Jane Marriott ayaa sheegay in dowladda ay mashaariic horumarineed ka fulin doonto gobolka Waqooyi Bari.
Waxaa uu sheegay in tani ay qayb ka tahay qorsho ballaaran oo lagu xallinaya caqabadaha haysta shacabka ku nool ismaamullada Garissa, Wajeer iyo Mandera.
Dowladda oo kaashanaysa Ingiriiska ayaa Waqooyi Bari ka hirgelin doonto mashruuc la qorsheeyay inuu socdo saddex sano.
Ujeeddada laga leeyahay barnaamijkan ayaa ah la tacaalidda amni darrada iyo sidoo kalena in la wanaajiyo daryeelka dadweynaha.
Rigathi Gachagua ayaa tilmaamay in wanaajinta nolosha dhaqan-dhaqaale ee shacabka Waqooyi bari ay kaalin ka qaadan karto xasilinta gobolka.
Hoggaamiyaha labaad ee dalka ayaa tusaale u soo qaatay wanaajinta tacliinta gobolka iyo in dhallinyarada loo abuuro fursado dhaqaale.
Gachagua ayaa xusay in Al-Shabaab meelo badan looga adkaaday balse isbeddelka ku yimaado cimillada uu xaaladda gobolka ka dhigay mid cakiran.
Madaxweyne ku xigeenka dalka ayaa carrabka ku adkeeyay in waxyaabaha xal noqon karo ee looga baahan yahay waqooyi bari ay ka mid tahay in laga gudbo ku tiirsanaanta roobka si beeraha wax looga soo saaro.
Gachagua ayaa sheegay in dowladda ay ku dadaalayso siyaabo lagu tababari karo macallimiin badan oo u dhashay gobolka Waqooyi Bari si loo daboolo dulduleelka soo baxo marka ay deegaannada iskaga tagaan macallimiin ka soo jeedo qaybaha kale ee wadanka halis amni awgeed.
Jane Marriott, safiirka Ingiriiska ku matasho Kenya ayaa dhankeeda dowladda ka codsatay inay ka baaran degto shaqaaleysiinta macallimiin badan oo haween ah si gabdhaha loo dhiirigeliyo loogana badbaadiyo gudniinka fircooniga iyo gurka degdegga ah.
Dowladda Ingiriiska ayaa hormuud ka ah barnaamij loogu magacdaray (NEKBI) oo mashaariic horumarineed looga hirgelin doono gudaha Waqooyi bari laga billaabo bisha Labaad ee sanadkan.
12th January 2023
Today, I hosted @JaneMarriottUK, the @UKinKenya High Commissioner, in my office at Harambee Annex, Nairobi.
We have discussed broader matters on cordial relations Kenya and UK have enjoyed over years and to further strengthen our relations and ties. pic.twitter.com/K9JEg1CZMZ
— Rigathi Gachagua (@rigathi) January 12, 2023
Under the leadership of H.E. President @WilliamsRuto, we are committed to making Devolution work while improving Coordination and Partinership for delivery of our Plan.
🇰🇪 and the 🇬🇧 enjoy shared values, history, and culture that build stronger ties between our two peoples. pic.twitter.com/XavZjN3WLr— Rigathi Gachagua (@rigathi) January 12, 2023
We continue engaging all our stakeholders on initiatives that accord priority to unlock the potential of the North Eastern region, promoting peace and security, supporting education and opportunities for the youth, rally an inclusive socio-economic development among others. pic.twitter.com/hjprXrC9mV
— Rigathi Gachagua (@rigathi) January 12, 2023
