Guddoomiyaha ismaamulka Nairobi, Johnson Sakaja ayaa amar ku bixiyay in isbitaallada caasimadda wadanka laga saaro dhammaan bukaannada u xanniban inaynan bixin qarashaadka caafimaad ee lagu yeeshay.
Qoraal uu soo dhigay bartiisa rasmiga ee Twitter-ka ayuu guddoomiyaha ku sheegay in dowladda hoose ee uu hoggaamiyo ay lacagahan ka bixin doonto bukaannada.
Waxaa uu qoralkiisa ku sheegay in shakhsiyaadkan la doonaya inay dabbaal degyada Christmas la qaataan qoysaskooda.
Sakaja ayaa intaasi ku daray in marka bukaanno badan lagu hayo isbitaallada uu qarashaad badan ku baxo in cunno la siiyo.
I’ve directed that all persons detained at our county hospitals because of non-payment be released to go home to be with their families this Christmas. We will pay. In many cases it is even more expensive to cater for them in terms of food etc and patients who need space miss it pic.twitter.com/YQY3Yois71
— Sakaja Arthur Johnson (@SakajaJohnson) December 19, 2022
