Guddiga madaxa banaan ee doorashooyinka iyo xuduudada dalka ee IEBC ayaa sheegay in uu si buuxda ugu diyaar garooway maareynta doorashada ku celiska ah ee ismaamulka Machakos.
18-ka bishan ayaa la filayaa in dadweynaha ku nool Machakos ay doortaan senatar cusub ka dib geeridii sanadkii hore ku timid Boniface Kabaka oo aqalka sare ku matalayay.
Guddiga ayaa xusay in uu codbixiyayaasha ismaamulkaas u sameeyay wacyi gelin ku filan oo ku aaddan qaabka ay codkooda u dhiiban karaan maalinka khamiista ee toddobaadkan.
IEBC ayaa sheegtay in dhammaan saraakiisha qaabilsan goobaha kala duwan ee codbixinta ay dhameysteen tababar la siinayay sidoo kalena la dhaariyay.
