Maamulka maareeya tamarta iyo batroolka dalka ee EPRA ayaa gaashaanka u daruuray eedeymo loo jeediyay oo ah in uunan tixgelin culeyska dhaqaale ee uu keenay cudurka COVID-19.
Tani ayaa timid ka dib markii dib u eegis uu sameeyay uu ku kordhiyay qiimaha noocyada kala duwan ee shidaalka .
Waxaa uu go’aankan ku saleeyay inuu sare u kacay qiimaha lagu soo dejiyo shidaalka laga keeno wadanka dibadiisa.
Maamulkan ayaa hoosta ka xarriiqay in tallaabada uu qaaday ee shalay dhaqan gashay ay tahay mid waafaqsan xeerarka wadanka u degsan.
Qaar ka mid ah shacabka iyo madaxda siyaasadeed ayaa walaac ka muujiyay qiimaha la kordhiyay ee shidaalka .
Madaxda dhaliilay arrinkan waxaa ka mid ah xoghayaha guud ee xisbiga ODM Edwin Sifuna iyo madaxa xisbiga ANC Musalia Mudavadi.
