Madaxweynaha dalka William Ruto ayaa maanta si rasmi ah u daahfuray wajiga koowaad ee barnaamij ay dowladda dhexe ganacsatada yaryar uga caawinayso dhinaca dhaqaalaha oo loogu magacdaray Hustlers Fund.
Sanduuqan ayaa waxaa lacago amaah ah ka qaadan karo shakhsiyaadka doonaya inay ganacsi billaabaan ama ay ganacsigooda kobciyaan.
Dowladda ayaa amaahdan ku bixinaysa lacag dulsaar oo ah boqolkiiba 8.
Qofka amaahdan qaata ayaa haysta muddo 14 cisho ah oo uu ku bixin karo waxaana marka codsigiisa la ansixiyo ka dib loogu soo dirayaa akoonkiisa Mpesa ama Airtel Money.
Haddii uunan qofka ku bixin lacagta muddada loogu talagalay waxaa hoos u dhacaya suurtagalnimada uu mar kale amaah ku qaadan karo.
Sidoo kale qofka ayaa la siinaya 15 cisho oo dheeraad ah oo uu deynta ku bixin karo taasoo haddii uu ku guul dareysto , lacagta dulsaarka ah ay sanadkiiba ku kordhaysa boqolkiiba 9.5%.
Madaxweynaha dalka William Ruto oo faahfaahin ka bixinaya sida ay u fududahay in qofka uu qaato amaahdan ayaa yiri.
The best strategy to accelerate economic growth and achieve shared prosperity is to empower millions of struggling yet willing and capable Kenyans and enlist them in gainful activity. pic.twitter.com/OHyT9qBpWB
— William Samoei Ruto, PhD (@WilliamsRuto) November 30, 2022
During the launch of Hustler Fund at Green Park Terminus, Nairobi. pic.twitter.com/tbiL6dOGFl
— William Samoei Ruto, PhD (@WilliamsRuto) November 30, 2022
