Madaxweynaha dalka William Samoei Ruto ayaa mudanayaasha baarlamaanka ku boorriyay inay mudnaanta koowaad siiyaan mashaariicda si toos ah u taabanaya nolosha kenyaanka.
Waxaa uu kula taliyay inaynan fududeysan waajibaadkooda shaqo oo ay codbixiyeyaasha ugu adeegaan sida habboon.
William Ruto ayaa yiri “Waxaa la idiin doortay in aad dadweynaha u adeegtaan waana inaad marka hore wax ka qabataan arrimahooda”
Hadalkan ayuu jeediyay xilli uu siyaasiyiinta isbeheysiga Kenya Kwanza kulan kula yeeshay xarunta madaxtooyada ee State House ee magaalada Nairobi.
Waxaa uu xildhibaannada ka codsaday inaynan ku mashquulin arrimo aan muhiim ahayn sida in la beddelo dastuurka wadanka u degsan oo la kordhiyo muddo xileedka madaxweynaha.
William Ruto ayaa si cad u sheegay in madaxweyne ahaan uunan marnaba ka qayb qaadan doonin dadaallo lagu waxyeelleynaya dastuurka si loo fuliyo dano shakhsiyadeed.
Mudanayaasha baarlamaanka ayuu u soo bandhigay inay meel mariyaan xeerarka dardargelin karo dhaqan gelinta sanduuqa ay dowladda dhexe ku taageereyso ganacsatada yaryar ee muruq-maalka ah.
PRESIDENT RUTO TO MPS: SERVE THE ELECTORATE
President @WilliamsRuto has asked MPs to prioritise projects that have a direct impact on the lives of Kenyans.
He told them to carry out their parliamentary assignments with seriousness. pic.twitter.com/yRCXnbmwEo
— State House Kenya (@StateHouseKenya) November 16, 2022
He told the MPs to pass regulations that will facilitate the implementation of the hustlers fund. pic.twitter.com/9aJMpPQERu
— State House Kenya (@StateHouseKenya) November 16, 2022
