Waxaa maanta maxkamadda ismaamulka Kiambu la soo taagay wasiirkii hore ee cayaaraha Rashid Echesa oo toddobaadkii hore laga dhex arkay muuqaal isagoo dharbaxaya mid ka mid ah saraakiisha guddiga madaxa banaan ee doorashooyinka iyo xuduudada dalka ee IEBC.
Maxkamadda ayaa go’aamisay in Echesa uu hal cisho ku jiro saldhigga booliska ee Gigiri .
Saraakiisha waaxda dacwad soo oogidda ayaa maxkamadda ka codsaday toddobo maalmood si ay baaritaannada u soo gabagabeyaan.
Hasa ahaate qareenka Rashid Echesa ayaa codsigan ka soo horjeestay isagoo xusay in dacwadda uu eedeysanaha wajahaya ay tahay mid siyaasadeysan.
Wasiirkii hore ee cayaaraha oo maxkamad la soo taagay
