Waxaa lagu soo warramaya inuu hakad ku yimid duulimaadyada dalka Faransiiska ka dib markii ay shaqo joojin ku dhaqaaqeen shaqaalaha garoomada diyaaradaha ee wadankaasi.
Shaqaalaha gadoodsan ayaa dalbanaya in mushaar kordhin loo sameeyo sicir bararka jira awgii.
Tallaabadan kuwo la mid ah ayaa horay u saameeyay garoomada diyaaradaha ee magaalooyinka London, Amsterdam iyo kuwo kale oo hoos tago qaaradda Yurub iyo Maraykanka.
Maamulka duulimaadyada rayidka ee Faransiiska ayaa laga soo xigtay in saaka la joojiyay boqolkiiba 17 ee duulimaadyadii qorsheynaa inay ka ambabaxaan garoomada diyaaradaha ee Charles de Gaulle iyo Orly ee magaalada Paris .
