Musharraxa madaxweyne ee xisbiga Roots Party Prof.George Wajackoyah ayaa kenyaanka u soo bandhigay qorsho ka kooban toban qodob oo ku saabsan waxyaabaha uu qaban doono haddii 9-ka bisha Siddeedaad ee sanadkan loo doorto xilka madaxtinnimo.
Waxa uu khudbadiisa ku soo qaatay in bulshada Soomaaliyeed ee wadanka ku nool mararka qaar lagu dhibaateeyo helidda aqoonsiga qaran iyo caddeynta muwaadinnimadooda.
Musharraxan ayaa ballanqaaday in hadii uu hoggaanka dalka qabto uu arrintan soo afjari doono.
Sidoo kale waxaa uu sheegay in maamulkiisa oo u abaal gudaya Soomaalida uu Isiolo ka dhigi doono magaala madaxda wadanka halka ay hadda Nairobi ka tahay.
