Waxaa Sabtida nagu soo aaddan ee 28-ka bishan si ku meel gaar ah loo xiri doonaa gagida diyaaradaha ee Wilson ee magaalada Nairobi.
Maamulka maareeya garoomada diyaaradaha ee wadanka ee KAA ayaa bayaan ku sheegay in maalinkaasi ay ciidamada difaaca ee KDF-ta qabanayaan bandhig.
Arrintan ayaa saameynaysa duulimaadyada la qorsheeyay inay ku soo dagaan ama ka duulaan garoonka Wilson maalinka Sabtida laga billaabo 7-da aroornimo ilaa 2-da duhurnimo.
KAA ayaa cid kasta oo qorsheynaysay inay Sabtida ka safarto ama ku soo degto garoonkaasi ku boorrisay inay wixii faahfaahin ah kala xiriirto shirkadaha duulimaadyada.
KDF ayaa dhankeeda sheegtay in bandhigga dhanka hawada ay hoggaamin doonaan saraakiisha difaaca hawada ee dalka ee loo yaqaano Kenya Air Force.
Waxaa halkaasi lagu soo bandhigaya siyaabo lagu madadaalinaya shacabka iyo militariga labaduba.
Sidoo kale ciidamada waaxda adeegga duurjoogta ee KWS ayaa soo bandhigi doono qaabab lagula tacaalo ugaarsiga.
