Ardaydii imtixaanka fasalka afaraad ee dugsiga sare ee KCSE-da sanadkii 2021-kii ka sameeyay xarunta waxbarasho ee Oriwo deegaanka Rachuonyo ee ismaamulka Homa Bay ayaa ugu dambeyn helay natiijadooda.
Tani ayaa timid ka dib markii golaha qaran ee imtixaannada wadanka ee KNEC uu muddo bil ah ka dib natiijada ardayda soo saaray maadaama ay baaritaano ku socden oo horay loo xannibay.
Madaxa fulinta ee golaha KNEC David Njengere ayaa bayaan ku sheegay in xannibaadda natiijada ay timid ka dib markii ardayda lagu tuhmay inay sameyeen wax is dabamarino dhinaca imtixaanaadka ah.
Tallaabada golaha qaran ee imtixaannada ayaa saameysay in ka badan 500 oo arday ah.
Maamulaha xaruntaasi waxbarasho Maurice Okal ayaa xaqiijiyay inuusan jirin arday laga kansalay ama natiijadiisa waxba kama jiraan laga soo qaaday.
Mr. Okal waxaa uu sheegay in ardayda ay tiradoodu tahay 549 oo 521 ka mid ah ay heleen buundooyin ay ugu biiri karaan jaamacadaha wadanka.
