Dowladda Ruushka ayaa sheeganaysa inay Ukraine kala wareegtay labo magaalo oo ku yaalla Koonfurta iyo Koonfurta bari ee dalkaasi.
Xukuumadda Moscow ayaa hoosta ka xarriiqday in ciidamadeeda ay si buuxda gacanta ugu dhigeen magaalooyinka Kherson iyo Berdyansk ee Ukraine.
Afhayeenka wasaaradda gaashaandhigga ee Ruushka Igor Konashenkov ayaa bayaan ku sheegay in 24-kii saacadood ee ugu dambeeyay labo magaalo si buuxda looga qabsaday Ukraine.
Tani ayaa imaanaysa iyadoo militariga Ruushka uu sii wado duullaan uu billaabay Khamiistii la soo dhaafay.
