Nairobi 105.9 Mombasa 103.5 Mogadishu 97.0 Garissa 97.1 Kismayu 89.5
Wajir 97.3 Isiolo 92.5 Mandera 97.5 Moyale 87.9 Masalani 97.1
Marsabit 87.7 Balambala 97.1 Laisamis 87.7 Dadaab 97.1 Habasweyne 97.3
Home Wararka Kenya IEBC oo haweenka ugu baaqday inay u tartamaan jagooyinka hoggaanka

IEBC oo haweenka ugu baaqday inay u tartamaan jagooyinka hoggaanka

Iyadoo lagu wado in guddiga madaxa bannaan ee doorashooyinka iyo xuduuddada wadanka ee IEBC uu 17-ka bishan billaabo wajiga labaad ee diiwaangelinta codbixiyeyaasha ayaa waxaa uu guddigu baaq u diray haweenka.
Guddoomiye ku xigeenka IEBC Juliana Cherera ayaa dumarka ku boorrisay inay ka mid noqdaan musharraxiinta siyasadeed ee bisha siddeedaad ee sanadkan si loo buuxiyo gaabadka dhanka sinnaanta jinsiyadeed ee dhanka hoggaanka.
Waxay intaasi ku dartay in sidoo kale haweenka looga baahan yahay inay dhexdooda taageero isu muujiyaan.
Juliana ayaa xustay inay qasab tahay in haweenka ay ka dhex muuqdaan saaxadda siyaasadeed, dhaqaale iyo midda bulsho.
Diiwaangelinta cusub ee kenyaanka oo billaabanaysa Isniinta ayaa socon doonto ilaa 6-da bisha labaad ee sanadkan.
Dhanka kale macluumaadka guddiga IEBC ayaa muujinaya in marka la eego 19.6 milyan oo qof oo la diiwaangeliyay sanadkii 2017-kii, haweenka ay tiradoodu ahayd boqolkiiba 46.6.
Cherera ayaa carrabka ku dhufatay in haweenka ay tahay inay ka faa’iidaystaan tiradooda oo ay u istagaan xilalka muhiimka ee hoggaanka ee heerarka dowladda.

 

 

LEAVE A REPLY

Please enter your comment!
Please enter your name here

- Advertisment -

Most Popular

Recent Comments