Waxaa ilaa iyo hadda la xaqiijiyay dhimashada labo qof oo kala ah duuliye iyo rakaab ka dib diyaarad ku burburtay degmada Nanyuki ee ismaamulka Laikipia.
Wararka ayaa intaa ku daraya in diyaaraddu ay soo dhacday wax yar un ka dib markii ay ka duushay garoonka Nanyuki Civil Airport.
Waxaa burburka diyaaradeed iyo khasaaraha ka dhashay warbaahinta u xaqiijisay waaxda ciidamada duurjoogta ee KWS.
Bayaan ay waaxdu soo saartay ayay ku sheegtay in duuliyaha iyo qofka kale ay ka mid ahayeen shaqaalaha KWS.
Ilaa iyo hadda ma cadda waxa sababay shilkaas in kastoo ay socdaan baaritaano arrinkan ku aaddan.
