Hoggaamiyaha xisbiga ODM Raila Odinga ayaa sheegay in taageerada dhaqaale ee uu ku xigeenka madaxweynaha dalka William Ruto siiyo kaniisadaha ay tahay lacag ay dowladdu leedahay islamarkaana la musuqmaasuqay.
Waxaa uu xusay in dhaqaalihii dowladda uu shakhsi u adeegsanaya arrimihiisa gaarka ah.
Mr. Odinga ayaa dhanka kale sheegay in hindisa sharciyeedka BBI ee la doonaya in wax looga beddelo xeerarka wadanka uu mudnaanta siin doono dadka danyarta ee kenyaanka ah.
Hadalkan ayuu jeediyay xilli uu shalay ku sugnaa ismaamulka Kilifi ee gobolka Xeebta.
Mar uu arrimahan ka hadlayay ayuu ra’iisul wasaarihii hore ee dalka yiri
William Ruto ayaa horay iskaga fogeeyay eedeymaha musuqmaasuqa ee uu u jeediyo Raila Odinga wuxuuna ku dhaliilay inuusan garab siin goobaha diimeed iyo danyarta uga baahan taageerada dhaqaale.
