Toddobaatan iyo saddex qof, oo ay ku jiraan haween iyo carruur, ayaa ku dhaawacmay weerarro dhowaan Xuutiyiintu ku qaadeen goobo rayid iyo xarumo dhaqaale oo ku yaalla Sacuudiga, sida uu sheegay isbahaysiga uu Sacuudigu hoggaamiyo ee ka dagaallama Yemen. Isbahaysigu wuxuu weerarrada ku tilmaamay “xaalad si khatar ah u sii xumaanaysa”.
Al-Maliki ayaa sheegay in kororka weerarrada maleeshiyada Xuutiyiinta iyo isku daygeeda ay ku beegsanayso Boqortooyada Sacuudiga, hantideeda qaran, muwaadiniinteeda iyo dadka deggan dalka ay yihiin xaalad si khatar ah u sii xumaanaysa. Wuxuu sheegay in arrintani ay muujinayso hab-dhaqanka colaadeed iyo mas’uuliyad-darrada ah ee Xuutiyiinta.
Al-Maliki ayaa sheegay in weerarrada Xuutiyiintu ay yihiin xadgudub cad oo ka dhan ah madaxbannaanida Sacuudiga iyo khatar toos ah oo ku wajahan ammaanka shacabka.
Wuxuu intaas ku daray in Taliska Ciidamada Wadajirka ah ee isbahaysigu uu qaadi doono dhammaan tallaabooyinka hawlgallada ee lagama maarmaanka ah si loo joojiyo Xuutiyiinta loona wiiqo khataraha soo socda.
