Ugu yaraan 16 qof ayaa ku dhintay Ruushka, halka 11 kalena ay ku geeriyoodeen Ukraine, sida ay sheegeen mas’uuliyiinta labada dhinac, iyadoo labada dal ay sii wadaan weerarrada ay isku qaadayaan.
Subaxnimadii hore ee Talaadada maanta ah , wakaaladda wararka dowladda Ruushka ee TASS ayaa sheegtay in shan qof ay ku dhinteen weerar loo adeegsaday diyaarado aan duuliye lahayn (drones) oo ka dhacay magaalada Moscow.
Weerarkaasi ayaa sidoo kale sababay dhaawaca lix qof oo kale, sida uu xaqiijiyay guddoomiyaha Moscow.
Weerarradan ayaa imaanaya iyadoo dagaalka u dhexeeya Ruushka iyo Ukraine uu weli socdo, islamarkaana labada dhinac ay sii wadaan is-weydaarsiga duqeymaha iyo weerarrada cirka. Mas’uuliyiinta labada waddan ayaa weli soo bandhigaya khasaaraha ka dhashay weerarradii ugu dambeeyay.
