Guddiga Adeegga Garsoorka ee JSC ayaa daabacay xeerar dhammaystiran oo si cad u qeexaya habraacyada xilka looga qaadi karo garsoorayaasha. Xeerarkan cusub ayaa dejinayaan hannaan tartiib tartiib ah oo lagu xaqiijinayo isla xisaabtanka garsoorka, iyada oo la ilaalinayo madax bannaanida garsoorka. Waxaa ay khuseeyaan garsoorayaasha maxkamadaha sare, waxaana lagu saleeyay qodobbada sharciga adeegga garsoorka iyo dastuurka dalka.
Xeerarka ayaa tilmaamayaan laba waddo oo xil ka qaadis ah: mid uu si toos ah u bilaabo guddiga, iyo mid ay shacabka gudbiyaan. Marka guddiga uu helo xog lagu kalsoonaan karo oo muujinaysa sababo sida karti darro, anshax xumo culus ama ku xadgudub akhlaaqda garsoorka, waxaa uu sameeyn doonaa qiimayn hordhac ah. Haddii dacwadda la aqbalo, garsooraha ayaa loo gudbin doonaa eedeeymaha ka dhanka ah isagoo la siin doono 21 maalmood oo uu kaga jawaabo.
Dhanka kale, muwaadin kasta ayaa xaq u leh inuu gudbiyo dacwad ka dhan ah garsoore, isaga oo aan wax kharash ah bixin. Dacwadda ayaa ah inay ka koobnaata faahfaahin buuxda iyo caddeymo taageeraya. Guddiga ayaa cadeeymaha ku sameeyn doonaa qiimayn 30 maalmood gudahood, kadibna haddii ay jirto sabab macquul ah, dacwadda waxaa loo gudbin doonaa garsooraha si uu uga jawaabo, ka hor inta aan la guda gelin dhageysi rasmi ah.
Inta lagu jiro dhageysiyada, waxaa la dhegeysanayaa markhaatiyaal, caddeymo ayaana la soo bandhigaa, iyadoo la oggol yahay is weydaarsi su’aalo. Ugu dambayn, guddiga ayaa diyaarin doonaa warbixin 14 maalmood gudahood, isagoo ku talinaya in dacwadda la diido ama loo gudbiyo Madaxweynaha si tallaabo looga qaado. Xeerarka ayaa sidoo kale oggolaanayaan adeegsiga tiknoolajiyadda iyo gudbinta dacwooyinka si elektaroonik ah, iyada oo shacabka lagu casuumay inay aragtidooda ka dhiibtaan ka hor inta aan si rasmi ah loo ansixin.
