Adeegga qaran ee booliiska ee NPS ayaa sheegay in ciidamada ammaanka ee ismaamulka Elgeyo Marakwet lagu wareejiyay 27 hub sharci darro ah oo ay ka mid yihiin noocyada qoryaha ee AK-47 iyo G3.
Waxaa hubkan la wareegay saraakiisha Tot ee dowlad deegaankaasi.
Tani ayaa qayb ka ah dadaallada hub ka dhigista aan qasabka ahayn ee laga fulinaya aagga Kerio Valley.
NPS ayaa intaasi ku dartay in hubkan la soo dhiibay ka dib markii ay iskaashadeen xubnaha bulshada iyo guddiyada nabadgalyada ee maxalliga ah ee Ketut, Chemwonyo, Kibaimwa, Mon, Chesuman, Kaben iyo Endo.
Tani ayaa tirada hubka sharci darrada ah ee ilaa iyo hadda soo galay gacanta dowladda ka dhigaysa 232 iyo 1,595 xirmo oo rasaas ah.
Adeegga qaran ee booliiska ayaa shacabka iyo mas’uuliyiinta uga mahadceliyay dadaallada ay ku bixinayaan in la cirib tiro adeegsiga hubka sharci darrada ah ee lagu fuliyo weerarrada burcadnimo iyo dhaca xoolaha.
