Wambui Nyutu ayaa laga eryay guddoomiye ku xigeenka guddiga qaran ee wadajirka iyo isdhexgalka (NCIC) ka dib markii lagu eedeeyay ku lug lahaanshaheeda joogtada ah ee dhaqdhaqaaqyada siyaasadeed ee xisbiyada.
Guddoomiyaha NCIC Samuel Kobia ayaa xaqiijiyay xil ka qaadista Nyutu ka dib shir gaar ah oo la qabtay shalay si looga wada hadlo habdhaqankeeda.
Sida laga soo xigtay Kobia, Nyutu ayaa waxaa ay jebisay dhaartii xafiiska iyo sharciga.
Guddiga ayaa sidoo kale shaaca ka qaaday in Nyutu ay markii hore raali gelin ka bixisay arrintan, waxaana ay balan qaaday inay ka fogaan doonto dhaqdhaqaaq kasta oo siyaasadeed. Ballanqaadkan ayaa si kastaba ha ahaatee, waxa uu u muuqdaa mid ay jebisay muddo ka dib.
Ka dib kulankii Talaadada, NCIC ayaa waxaa ay go’aansatay inay bilawdo habraaca xilka looga qaadayo guddoomiye ku xigeenka guddiga.
Inkastoo aan la soo hadal qaadin xaaladaha gaarka ah ee xadgudubyada Nyutu, ku xigeenka guddoomiyaha ayaa dhowr jeer la arkay iyada oo kulamo gaar ah la yeelanayso ku xigeenkii hore ee madaxweynaha Rigathi Gachagua.
Dhanka kale, waxa si degdeg ah loo doortay Dorcas Kedogo inay noqoto ku xigeenka guddoomiyaha NCIC.
