Wasiirka Arrimaha Dibadda ee Cumaan, Badr Albusaidi, ayaa ku sheegay maqaal uu qoray in Mareykanka uu waayey xakameyn ku saabsan siyaasaddiisa dibadda, isaga oo intaa ku daray in xulafadiisa ay tahay inay ka caawiyaan inuu ka baxo isku dhacaan aan la rabin.
Albusaidi ayaa sheegay in laba jeer sagaal bilood gudahood Mareykanka iyo Iiraan ay ahaayeen kuwo u dhow heshiis dhab ah, balse 28-kii Febraayo, saacado ka dib wada hadalladii ugu muhiimsanaa, Israa’iil iyo Mareykanka ay weerar milatari oo sharci darro ah ku qaadeen nabadda u muuqatay mid suuragal ah.
Fal celinta Iiraan ee la xiriirta bartilmaameedyada ay sheegtay inay Mareykanka ku weerareen dalalka deriska ah ayaa ahayd natiijo lama huraan ah, inkastoo Albusaidi uu sheegay inay ahayd mid aad looga xumaado oo aan la aqbali karin. Iiraan, oo wajahaysa dagaal lagu burburinayo Jamhuuriyadda Islaamka, ayaa arintan u aragta doorashadii ugu macquulsan ee hoggaanka dalka u suurta gelisay.
Waxaa uu intaa ku daray in khaladka ugu weyn ee maamulka Mareykanka uu ahaa inuu iskiis u dhex galo dagaalkan, isagoo tilmaamay in tani aysan ahayn dagaal Mareykanka uu leeyahay, isla markaana aan jirin xaalad suuragal ah oo Israa’iil iyo Mareykanka ay ku helaan waxa ay rabaan.
