Wasaaradda waxbarashada Soomaaliya oo shaacisay natiijada imtixaanaadka dugsiyada sare

Wasaaradda Waxbarashada, hidaha iyo taliinta sare ee Soomaaliya ayaa Maanta oo Talaado ah waxaay ku dhawaaqday Natiijada Imtixaanka Shahaadiga Dugsiyada sare ee sanad dugsiyeedka 2021/2022.
Wasaaradda ayaa horay ugu diiwaangelisay inay imtixaanka galayaan 34,469 ardayda, balse waxaa u fariisatay 33,468 arday, sidaas waxaa uga haray imtixaanka oo aan gelin ama u fariisan 1,001 Arday.
Wasaaradda Waxbrashada ayaa ku sheegtay in tirada ardayda gudubtay imtixaanka guud ee shahaadiga ee fasalka 12-aad sanad dugsiyeedkii tegay ay yihiin 32,325 arday oo u dhiganta 97%. halka ay imtixaanka ku dhaceen 1143 arday oo u dhiganta 3%.
Ardayda sanadkaan ku dhacay imtixaanka ay Wasaaradda Waxbarashada Soomaaliya ka qaaday Iskuullada ku yaalla gobolka Banaadir & maamul Goboleedyada ayaa waxaa ay kala joogaan.
1,100 ka mid ah ardayda ku dhacday imtixaanka dowladda waxay ku galeen Gobolka Banaadir, halka 43-da kale ay imtixaanka ku galeen gobollada kale ee dalka, sida.
1 – Deegaanada Koonfur Galbeed 24 arday ayaa dhacday.
2 – Galmudug 7 arday ayaa dhacday.
3 – Jubbaland 6 arday ayaa dhacday.
4 – halka HirShabelle 6 arday ay dhacday.