Waaxda saadaasha hawada ee dalka ayaa ku dhawaaqday in roobabka lixaadka leh ee ka da’aya guud ahaan dalka ay sii socon doonaan.
Waxaa ay Axadda maanta ah ku dhawaaqday in roobab mahiigaan ah ay ka sii di’i doonaan gobollada Nairobi, Rift Valley, Harada Victoria Basin iyo gobolka Xeebta.
Waaxda ayaa intaa ku dartay in laga yaabo roobabka in ay wataan dabaylo aad u xooggan kuwaas oo waxyeello u geysan kara dhismayaasha iyo dhirta.
Kenyaanka ayaa loogu baaqay inay feejignaadaan maadaama daadad laga yaabo inay ka dhacaan xitaa togga hoose halkaasoo uusan roobku ka di’in.
Waxaa sidoo kale loogu baaqay in ay ka fogaadaan in ay ka gudbaan biyaha socda, in ay gudaha ku jiraan xilliga roobka roobka wata jacda.
Roobab mahiigaan ah ayaa tan iyo fiidnimadii Jimcaha ka da’ay dalka oo dhan.
