Mas’uuliyiinta Tanzania ayaa xabsiga ka sii daayay labo sarkaal oo ka tirsan booliska Kenya iyo saddex qof oo rayid ah.
Warbixin boolisku soo saartay ayaa lagu xaqiijiyay in shanta qof ee horay loogu xiray Horo-Horo One-Stop Border Point OSBP ka dib markii ay si wada jir ah uga warbixiyeen labada hay’adood ee dowladda.
Saraakiisha Patrick Kithinji iyo Ahmed Ali oo ka tirsan saldhigga booliiska Tononoka, Mombasa, ayaa la xiray Janaayo 6-da, iyadoo lala xiray Mzee Mwinyi, Sophia Menza Mbogo, iyo A/Kadir Adan.
Warbixin hore oo booliisku soo saaray ayaa lagu sheegay in askartu ay isku dayayeen inay soo qabtaan qof laga shakisan yahay oo ku sugan dalka deriska ah.
Waxay ku andacoodeen in Eedeysanaha oo lagu magacaabo Omar Ali, lagu daba-jiro fal-dambiyeed ku saabsan inuu lacag ku helay qaab been abuur ah oo la sheegay inuu ka dhacay Tononoka.
Si kastaba ha ahaatee, hubkooda iyo baabuurkii ay dawladdu lahayd ee ay lahayd Waaxda Horumarinta Biyaha ayaa lagu xidhay saldhigga booliska Lungalunga ee ismaamulka Kwale, iyadoo la sugayo in booliska gudaha uu tallaabo kale qaado.
Hubka ayaa waxaa ka mid ahaa labo bastoolad oo Ceska ah oo midkiiba ay ku raran yihiin 15 xabo oo rasaas ah.
