Hal sarkaal oo booliis ah ayaa la dilay, dhowr qof oo rayid ah waa lagu dhaawacay deegaanka Kibiko ee maamul hoosaadka Galbeedka Kajiado, ka dib markii uu qarxay iska hor imaad ka dhashay dhul hoosaad bulsho.
Sarkaalka la dilay ayaa ka mid ahaa dhowr sarkaal oo dhaawacmay ka dib markii ay weerar gaadmo ah ku qaadeen koox dhallinyaro ah maalintii Kirismaska iyagoo ilaalinaya sahamiyeyaasha oo cabiraayay dhulka lagu muransan yahay. Dhowr qof oo rayid ah ayaa sidoo kale ku dhaawacmay intii uu socday iskahorimaadka.
Toddobo tuhmane ayaa loo xiray arrintan iyaga oo hadda ku jira xabsiga booliiska inta maxkamadda laga soo taagaayo Isniinta.
Taliyaha booliiska ismaamulka Kajiado Alex Shikondi ayaa uga digay shakhsiyaadka hurinaya rabshadaha si ay u helaan dano shaqsiyeed, isagoo sheegay in hay’adaha amniga ay ogolaadeen inay bixiyaan ilaalin kaliya ka dib markii ay baareen dukumentiyada ay soo bandhigeen kooxda hadda dhisaysa calaamadaha.
