Qoys deggen deegaanka Timboroa ee ismaamulka Baringo ayaa codsanaya caawimaad si loogu soo celiyo meydka wiilkooda, kaas oo la sheegay inuu ku dhintay dagaalka u dhexeeya Ruushka iyo Ukraine.
Kevin Kang’u oo 25 jir ahaa ayaa bishii Sebtembar ee sannadkii hore u safray dalka Ruushka isagoo haysta fiisaha ardaynimo, ka dib markii la sheegay inuu helay deeq waxbarasho oo uu kaga wax baranayo dalkaas.
Baaqooda ayaa imaanaya maalmo ka dib markii warbixin sirdoon ay sheegtay in 1,000 Kenyan ah laga qortay ciidanka Ruushka ee dagaalka ka dhex jira, iyadoo lagu soo jiitay ballanqaadyo shaqo.
Qoysku waxay sheegeen in Kevin looga baahnaa inay soo maraan tababar ciidan ka hor inta uusan bilaabin waxbarashada. Muddo qiyaastii laba bilood ah, sawirro ayaa dhiirigelin u ahaa qoyskiisa ka hor inta uusan xiriirka go’in 28-kii Oktoobar.
Laba bilood ka dib, qoysku waxay heleen warka sheegaya in Kevin uu dhintay bishii Diseembar, isagoo ku dagaallamaya jiidda hore ee dagaalka u dhexeeya Ruushka iyo Ukraine.
Waaliidka Kelvin ayaa ariintan ka hadlaya.
Qoyska ayaa hadda ku dheggan rajada ah inay ugu yaraan helaan meydka si ay ugu sameeyaan Kevin aas sharaf leh.
Warkaan ayaa soo baxaya maalin ka dib markii Safaaradda Ruushka ee Nairobi ay iska fogeysay eedeymaha sheegaya inay shaqaalaheedu ku lug leeyihiin qorista dadka u dhashay Kenya ee u dagaallamaya colaadda ka taan Yukrayn.
Bayaan ay soo saartay Khamiistii, Safaaradda ayaa ku tilmaamtay sheegashooyinkaas olole dacaayad ah oo khatar ah oo marin-habaabin ah, iyadoo xustay in shaqaalaheedu aysan marnaba fiisooyin u soo saarin dad Kenyan ah oo u safray Ruushka ujeedkoodu yahay oo kaliya inay ku biiraan ciidamada qalabka sida ee Ruushka.
Si kastaba ha ahaatee, xafiisku wuxuu caddeeyay in sharciga Ruushka uusan ka mamnuucayn muwaadiniinta ajnabiga ah ee horay u joogay Ruushka inay si iskiis ah uga mid noqdaan Ciidamada Ruushka, waase haddii ay dalka u joogaan si sharci ah oo ay doortaan inay ku biiraan dagaalka.
