Maamulka qaran ee gaadiidka iyo badqabka dhanka waddooyinka ee (NTSA) ayaa hakiyay isticmaalka leesinka shirkadda basaska ee Super Metro.
Tani ayaa loo aaneeyay oggolaanshiyo laga soo gudbay xilligii loogu talagalay in la adeegsado , darawaliin aan shaqada u qalmin iyo arrimaha xadidaadda xawaaraha baabuurta shirkaddan.
NTSA ayaa bayaan ku sheegtay in shirkadda Super Metro ay sidoo kale ku xadgudubtay xeerarka shaqaaleysiinta.
Maamulka NTSA ayaa dadweynaha uga digay in ay raacaan gawaarida shirkaddan wuxuuna hoosta ka xarriiqay in gacanta lagu dhigaya baabuurta aan amarkan u hoggaansamin.
Go’aanka maamulka qaran ee gaadiidka iyo badqabka dhanka waddooyinka ayaa yimid ka dib kormeer lagu sameeyay 523 ah baabuurta shirkadda Super Metro oo lagu ogaaday in ay jiraan xadgudubyo badan.
Tusaale, 15 gawaari oo ay shirkaddan leedahay ayaa la cadeeyay in ay ku shaqeynayeen shatiyada kormeerka oo uu waqtigoodu dhacay.
Sidoo kale, 88 ka mid ah baabuurteeda ayaan gudbin macluumaadka xadidaadda xawaaraha.
