Qareenka lagu magacaabo Miguna Miguna ayaa qoraal uu soo dhigay bartiisa rasmiga ee Twitter-ka ku sheegay in madaxweyne William Ruto uu si shakhsi ah uga raaligeliyay tallaabadii sanadkii 2018-kii garyaqaankan looga musaafuriyay gudaha wadanka.
Waxaa uu hoosta ka xarriiqay inuu aqbalay raaligelinta uga timid hoggaamiyaha wadanka.
Miguna ayaa xusay in Ruto uu u sheegay in maamulkii hore uu ula dhaqmay si arxaan darro oo aan caddaalad ahayn.
Qareenka ayaa la tarxiilay ka dib markii uu bishii koowaad ee sanadkii 2018-kii madaxa mucaaradka Raila Odinga uu u dhaariyay madaxweynaha shacabka.
Bishii Tobnaad ee sanadkii hore ayay ahayd markii isbeheysiga talada haya ee Kenya Kwanza uu Miguna Miguna u oggolaaday inuu dib uga soo laabto Canada.
H.E. @WilliamsRuto, President of the Republic of Kenya and Commander In Chief of the Defence Forces, earlier this morning APOLOGIZED to me on his behalf and on behalf of the Government for the brutality inflicted upon me by the previous regime. I accept the apology. pic.twitter.com/5ABfkOTufR
— Dr. Miguna Miguna (@MigunaMiguna) January 14, 2023
