Madaxweynihii hore ee Kuuriyada Koonfureed Yoon Suk Yeol ayaa lagu helay dambi kacdoon ah ka dib markii lagu eedeeyay hoggaaminta kacdoon dhacay xilligii uu si ku meel gaar ah u dhaqan geliyay sharciga ciidanka ee 2024.
Maxkamadda Degmada Dhexe ee Seoul ayaa Khamiista maanta ah go’aamisay in Yoon uu ahaa hoggaamiyaha kacdoonkii 3-dii December 2024, kiiskaas oo dacwad oogayaasha ay dalbadeen xukun dil ah oo ka dhan ah madaxweynihii hore ee dalkaas.
Sida laga soo xigtay wakaaladda wararka ee Yonhap, maxkamadda ayaa ogaatay in xaqiiqda ugu weyn ee kiiska sharciga ciidan uu ahaa in Yoon uu ciidanka u diray Golaha Qaranka ee Baarlamaanka, iyadoo ujeedadu ahayd in la joojiyo ama caqabad lagu noqdo shaqada Baarlamaanka muddo muhiim ah.
Yoon, oo 65 sano jir ah, ayaa inta uu joogay maxkamadda si joogto ah ku adkaystay inuu dembi la’aan yahay, isagoo ku dooday in uu lahaa awood madaxweyne si uu u dhaqan geliyo sharciga ciidanka, uuna go’aankiisu ahaa in laga hortago xisbiyada mucaaradka inay carqaladeeyaan shaqada dowladda.
