Madaxweynaha dalka William Ruto ayaa tacsi u diray qoyska , ehellada iyo asxaabta ay ka geeriyootay Muthoni Kirima oo ka mid ahayd shakhsiyaadkii ka soo qayb qaatay halgankii xurriyad doonka ee MauMau ee Kenya.
Waxaa uu ku tilmaamay haweeney geesiyad ahayd sido kalena dadaal badnayd.
Ruto ayaa xusay in Muthoni ay si nafhurnimo leh ugu soo adeegtay qoyskeeda , bulshadeeda iyo qaranka.
Deeply saddened by the passing of Field Marshall Muthoni Kirima, a powerful figure of broad influence who fought for our freedom.
She was courageous, hardworking and loved her family, served her community and sacrificed for our country, always with diligence from the frontline.… pic.twitter.com/JCIRtutJxg
— William Samoei Ruto, PhD (@WilliamsRuto) September 5, 2023
Waxaa sidoo kale tacsi tani la mid ah diray madaxweyne ku xigeenka dalka Rigathi Gachagua oo sheegay in Muthoni Kirima ay ka barbar dagaallami jirtay halyeeygii ahaa Dedan Kimathi Wachiuri oo ay gacan yare u ahayd.
I have woken up to sad news of the passing on of Field Marshall Muthoni Kirima, the gallant freedom fighter who fought side by side with Field Marshall Dedan Kimathi Wachiuri in the Mt. Kenya and Aberdare forests to drive colonialists from our land.
I join her family and… pic.twitter.com/r21UqB8Nsq
— H.E. Rigathi Gachagua, EGH (@rigathi) September 5, 2023
Barasaabka ismaamulka Nyeri, Mutahi Kahiga ayaa xaqiijiyay in haweeneydan oo 91 sano jir ahayd ay ku geeriyootay isbitaal ku yaalla xaafadda Pangani ee magaalada Nairobi oo loo geeyay daryeel caafimaad.
Waxaa uu intaasi ku daray in meydkeeda la gudbin doono xarunta meydadka la dhigo ee Lee Funeral Home ee caasimadda dalka.
