Hoggaamiyaha dalka Uhuru Kenyatta ayaa la filayaa inuu maanta shir guddoomiyo kulanka golaha isbeheysiga Azimio La Umoja -One Kenya.
Shirkan ayaa ah midkii ugu horreeyay ee uu goluhu yeesho tan iyo markii la soo dhisay.
Xoghayaha dhanka warbaahinta ee ololaha madaxtinimo ee Raila Odinga Dennis Onsarigo ayaa bayaan ku sheegay in kulanka uu ka dhici doono xarunta shirarka caalamiga ee KICC ee magaalada Nairobi.
Shirka oo uu sidoo kale ka qayb gelaya madaxa xisbiga ODM Raila Odinga ayaa waxaa isugu imaan doono xubnaha golaha uu hoggaamiyo madaxweynaha dalka Uhuru Kenyatta.
Waxaa uu qorshuhu yahay in shirka maanta diiradda lagu saaro qodobbo siyaasadeed oo uu ismari waa’ ka taagan yahay.
Sidoo kale waxaa suurtagal ah in kulanka looga hadlo xulashada siyaasiga xilliga doorashada guud ee sanadkan ku xigeen u noqonaya musharraxa madaxweyne ee Azimio Raila Odinga.
Shirka ayaa ku soo beegmaya toddobaad ka dib markii isbeheysiga Azimio-One Kenya si rasmi ah loo diiwaangeliyay 14-kii bishan Afaraad.
