Kenya iyo Midowga Yurub ayaa gaaray heshiis dhaqaale oo kor loogu qaadayo ganacsiga wax dhoofinta ee dalka Bariga Africa si canshuur la’aan ah.
Labada dhinacba waxay bilaabeen heshiis qabyo ah bishii Juun ka dib toddobo bilood oo wadahadal ah.
Midowga Yurub waa mid ka mid ah suuqyada ugu weyn ee Kenya wax loo dhoofiyo.
Heshiiska waxaa ansixiyay golaha Midowga Yurub todobaadkii hore.
Hadda waxaa la horgeyn doonaa Baarlamaanada labada dhinac si ay u ansixiyaan ka hor inta uusan dhaqan gelin.
Kenya ayaa heshiis ganacsi oo bilow ah la saxiixatay Midowga Yurub sanadkii 2016-kii, iyadoo ay weheliso la-hawlgalayaasheeda lixda waddan ee markaas xubinta ka ah ururka ganacsiga bulshada Bariga Afrika, laakiin ma aysan saxiixin inta badan dalalka EAC sidaas darteed si buuxda uma dhaqan gelin.
