Iyadoo uu weli socdo howlgalka ka dhanka ah burcadda ee Waqooyiga gobolka Rift Valley ayaa saraakiisha ammaanka ee ismaamulka Turkana waxaa lagu wareejiyay 20 qoryo oo sharci darro ah.
Adeegga qaran ee booliiska NPS ayaa sheegay in qoryahan loo gacan geliyay saraakiisha maamulka ee dowladda sare xilli kulan dadweyne lagu qabtay xarunta ganacsiga ee Kakong.
Waxaa shirkaasi hoggaaminayay barasaabka ismaamulka Turkana Jeremiah Lomorukai oo uu weheliyo guddoomiyaha dowladda dhexe ku matalo Turkana Jacob Ouma.
NPS ayaa bayaan ku sheegtay in shirka ay sidoo kale ka qayb galeen xubnaha guddiga sirdoonka ee Turkana iyo deegaannada hoos tago , wakiilka haweenka ee ismaamulkaasi Cecilia Asinyen Ngetit, wakiillada deegaannada hoose iyo qaar ka mid ah shaqaalaha dowlad deegaankaasi.
Turkana ayaa ka mid ah ismaamullada Waqooyi ee ay saameynta ba’an ka soo gaartay falalka burcadnimo iyo dhaca xoolaha.
Dhanka kale qori ah nooca AK-47 oo aynan rasaas ku jirin ayaa laga helay bariga deegaanka Tiaty ee ismaamulka Baringo halka gacanta lagu dhigay labo eedeysanayaal oo lala xiriirinaya hubkan sharci darrada ah.
Laamaha ammaanka ayaa xusay in tuhmanayaasha ay ka mid yihiin koox la raadinayay ka dib fal dhac ah oo awood loo adeegsaday oo 12-kii bishii hore ka dhacay aagga Kiserian ee deegaanka Marigat oo ka tirsan Baringo.
Toban cishe ka hor ayay ahayd markii uu wasiirka wasaaradda arrimaha gudaha iyo maamulka qaran Prof.Kithure Kindiki uu bogaadiyay howlgalka 6-da ismaamul ee Waqooyiga Rift Valley looga cirib tiraya burcadnimada iyo kooxaha hubeysan.
TWENTY FIREARMS SURRENDERED IN TURKANA.
During a Public Baraza held at Kakong Trading Centre today, the 9th of May 2023 by H.E the Governor of Turkana County Hon. Jeremiah Lomorukai accompanied by the County Commissioner Turkana Mr. Jacob Ouma,a total of pic.twitter.com/e8oFClR7ld
— National Police Service-Kenya (@NPSOfficial_KE) May 9, 2023
4/4
The two suspects are amongst those sought after a robbery with violence incident that happened on 12th April 2023 within Kiserian area in Marigat Sub-County.— National Police Service-Kenya (@NPSOfficial_KE) May 9, 2023
