Hoggaamiyaha mucaaradka Venezuela, María Corina Machado, ayaa sheegtay in ay tahay “in ay gabi ahaanba” maamusho dalka, ka dib markii Mareykanka uu xilka ka tuuray madaxweyne Nicolás Maduro todobaadkii hore.
Waxay u mahadcelisay madaxweynaha Mareykanka Donald Trump “hoggaannimadiisa iyo geesinimadiisa” ka dib markii ciidamada Mareykanka ay weerareen magaalada Caracas oo ay xireen Maduro, laakiin waxay sheegtay in qofna uusan aamini karin saaxiibkii madaxweynaha xilka laga tuuray ee loo magacaabay inuu noqdo hoggaamiye ku meel gaar ah.
Machado iyo dhaqdhaqaaqeeda mucaaradka ayaa sheegtay in ay ku guuleysteen doorashadii 2024-kii ee sida weyn loogu muransanaa, balse Trump waa uu diiday in uu taageero, isaga oo sheegay in ay ka maqan tahay taageerada shacabka.
Sharci-dejiiyihii hore, oo sannadkii hore la guddoonsiiyay Abaalmarinta Nabadda ee Nobel, ayaa ku tilmaamay tallaabadii milateri ee Mareykanku ka geystay Venezuela dhammaadkii isbuucii hore “tallaabo weyn oo lagu soo celinayo barwaaqada iyo ku dhaqanka sharciga iyo dimuqraadiyadda Venezuela”.
Waxay sheegtay in aysan sanadkan la hadlin Trump, balse ay uga mahadcelineyso xil ka qaadista Maduro.
In kasta oo ay arrintaas ka gudubtay, haddana madaxweynaha Maraykanku waxa uu si cad u diiday Machado oo uu ku tilmaamay in uu yahay beddelka la aamini karo ee Maduro.
Laakiin Machado waxa uu sheegay in qofna aanu aamini karin hogaamiyaha ku meel gaadhka ah ee Venezuela, Delcy Rodríguez, oo hore u ahaa madaxweyne ku xigeenka Maduro.
