Ugu yaraan hal qof ayaa ku dhintay tiro kalena waa ay ku dhaawacmeen shil baabuur oo subaxnimadii saaka ka dhacay xaafadda Githurai ee magaalada Nairobi.
Taliyaha booliiska ee deegaanka Kasarani Emmanuel Rono ayaa xaqiijiyay dhacdadan, isagoo sheegay in saddex ka mid ah rakaabkii saarnaa ay si xun u dhaawacmeen, halka sagaal kalena laga daaweeyay dhaawacyo fudud oo loo qaaday isbitaalka qaran ee Kenyatta si loogu dabiibo.
Sida ay sheegeen dad goob joogayaal ah shilkan ayaa yimid kadib markii gaari mataatuu ah oo ka soo ambabaxay magaalada Nairobi kuna sii jeeday magaalada Thika uu ku dhacay mooto waday rakaab.
Ciidamada ayaa bilaabay baaritaano ku aadan sida ay wax u dhaceen, waxaana wali socda dadaalo lagu ogaanayo dhibaatada dhabta ah ee ka dhalatay shilkan.
