Guddiga anshaxa iyo la dagaalanka musuqmaasuqa ee EACC ayaa maxkamadda u gudbiyey dacwad uu ku doonaya in lagu wareejiyo dhismaha uu ku yaalla xafiiska qaadiga ee xaafadda Upper Hill ee ismaamulka Nairobi.
EACC ayaa baaritaano ay sameysay ku xaqiijisay in shirkad gaar ah ay dhismahan si sharci darro ah ugala wareegtay xildhibaankii hore ee Makueni Peter Eliud Maundu.
Guddiga ayaa dacwad ka gudbiyey Mr. Maundu, shirkadda Swanya Limited iyo agaasimayaasheeda kala ah Victor Ogeto iyo Janet Ogeto.
Sidoo kale waxaa dacwaddan qayb ka ah guddoomiyihii hore ee arrimaha dhulalka Wilson Gachanja oo ku eedeysan inuu khiyaano sameeyay oo uu ku takriifalay awoodiisa.
EACC ayaa sheegtay in Mr. Maundu uu dhulka lagu dhisay dhismaha oo ay dowladdu lahayd uu la wareegay 10-kii bishii Saddexaad ee sanadkii 1994-tii isagoo shirkadda Swanya uga sii iibiyay in ka badan 10 milyan oo shilin.
Qoraal uu guddiga soo dhigay bartiisa rasmiga ee Twitter-ka waxaa ku cad in Wilson Gachanja uu xildhibaankii hore ee Makueni sidoo kalena soo noqday wasiir ku xigeenkii wasaaradda beeraha Peter Eliud Maundu uu dhulka si aan sharci ahayn u siiyey.
In kastoo uu dhismahaasi ku yaalla xafiiska qaadiga ee Nairobi waxay EACC dalbanaysa in meesha laga saaro lahaanshaha shirkadda gaarka ah oo si buuxda loogu wareejiyo waaxda garsoorka ee dalka.
Waxaa uu qorshuhu yahay in maxkamadda ay kiiskan dhageysato 3-da bisha Toddobaad ee sanadkan.
1. EACC has moved to court to recover the property currently hosting the NAIROBI KADHI'S COURT IN UPPER HILL from grabbers. The property was fraudulently allocated to former Makueni MP & Agriculture Assistant Minister Peter Maundu by former Commissioner of Lands Wilson Gachanja.
— EACC (@EACCKenya) May 14, 2023
.3. Although the Judiciary is in actual possession and in use of the Kadhi’s Court, the property is illegally owned by a private company that acquired it from the former Makueni MP. EACC wants the illegal ownership nullified and the property reverted back to the@Kenyajudiciary
— EACC (@EACCKenya) May 14, 2023
