Guddiga Anshaxa iyo La-dagaallanka Musuqmaasuqa EACC ayaa amar maxkamadeed ku soo rogay joojinta bixinta 6.16 bilyan oo shilinka dalka ah oo ay bixisay adeegga qaran ee dhalinyarada NYS shirkado dhowr ah oo ku saabsan qandaraasyo been abuur ah iyo alaabo aan waligood la bixin.
Kiiska ay Maxkamadda La-dagaallanka Musuqmaasuqa iyo Dembiyada Dhaqaalaha ee Nairobi ka gudbisay Maxkamadda, Garsoore Lucy Njuguna ayaa soo saartay amar ku meel gaar ah Diseembar 8-dii, iyadoo si ku meel gaar ah u hakinaysa bixinta 6.1 bilyan ilaa inta laga gaarayo dhageysiga iyo go’aan ka gaarista arrinta.
Sida laga soo xigtay EACC, lacagaha waxaa sheegtay shirkado lala xiriiriyay Ben Gethi Wangui, Elizabeth Wangeci Ngugi iyo Susan Nyambura Mburu, iyo kuwo kale. Shirkadaha waxaa ka mid ah Schoolwork Enterprises, Newtool Mart Trading iyo kuwa kale.
Guddigu wuxuu sheegay inay baaritaanno bilaabeen ka dib markii ay warbixin ka heleen Xoghayaha Golaha Wasiirada ee Wasaaradda Arrimaha Dadweynaha, Jinsiga, Dadka Waayeelka ah iyo Barnaamijyada Gaarka ah, kuwaas oo walaac ka muujiyay sax ahaanshaha kuwa sheeganaya lacag bixinta oo gaaraya qiyaastii 6 bilyan oo ay u gudbiyeen NYS shirkdaha ama shakhsiyaadka qeybiya alabta kala duwan.
